منتدى الشاهين
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى الشاهين


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
be respectable
عضو مبتدئ
عضو مبتدئ
avatar

انثى عدد الرسائل : 11
تاريخ التسجيل : 07/09/2008

مُساهمةموضوع: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   الخميس سبتمبر 11, 2008 7:47 pm

السلام عليكم...انا حبيت اني اكتب هدا الموضوع بأسلوبي المتواضع جدا ..وبلهجتي العامية..اتمنى انكم كلللكم تفهموني
بصراحه انا حابة اتكلم عن حال البنات و الشباب هدي الايام.....والله حالنا يقطع القلب.....
اكيد انتو عارفين ايش الموضات اللي دحين طالعين بيها الشباب و البنات..... للاسف جاتنا موضات من الغرب واحنا زي العمي نقلدهم بدون ادنى تفكيييييير...
ايش البنطلونات هدي اللي صاروا الشباب يلبسوها.......... شي اسمه ( طيحني) ودحين سمعت شي اسمه ( فسخـ.......) والله احترام للمنتدى ما كملتها...وانا متأكدة انكم جبتوها!!!
لهذي الدرجة شبابنا سااذج....لهذي الدرجة شباببنا سخيف
نعم ...اللبس و ستايل الشعر و ستايل الذقن و السوالف ..كللللللللللل هدا حرية شخصية ...ما اختلفنا....بس في حدود المعقوووول يا ناس...لا تقولوا : هدولا مراهقين خليهم يعيشوا سنهم....... ولا : يا شيخه هدي فترة وتعدي ...........طيب انا معاكم و مقتنعه تماما انه سن المراهقة دا يحتاج اشياء كتيرة ..... بس كمان مافي مانع انه نعرف احنا ايش اللي بنقلدوا دا...ايش هي دي الموضه....والله انكم لمن تروحو جدة وتدخلو احد هدي المولات اللي صارت كمان ماتنعد ((الظاهر انه جدة تبغ تدخل كتاب جينيس في عدد الاسواق اللي عندها....خخخخخخ ..مو موضوعنا ))و تشوفو مناظر الشباب كيف صايرة ...تزعلو على شباب بلدنا....لا و لا كمان في الكباين ((الشاليهات)) حدث ولا حرج..مناظر فظيعه...اللي لابس بلوزة ومو عارف ايش اللي مكتوب فيها بس يا اللا عجبتني و اشتريتها ..والكلام اللي عليها ما ينقال...واللي بنطلونه نازل عشان خاطر البوكستر يظهر ((اسمحولي اني بأتكلم كدا و بصراحه ..لانه شي واالله قاهرني...عقول للاسف مرة سطحية ...))..اقلكم شي؟؟؟!!
اصلا الغرب شافونا اغبياء (تكرموا) فقالوا يا الللا نرسلهم هدي الجرعات بمسمى الموضى.....واصلا لو انتو تدروا انهم يترفعوا انهم يلبسوا هدي البنطلونات النازلة......والشاب اللي يلبسها عندهم يسجن....
لييييييييييييييييش؟؟؟؟
ببساطة شديدة معناها جدا مو كويس......هدولا ميييييييييييييييين؟؟؟!! هدولا الغرب...هدولا ميييييييين؟؟ هدولا الغير مسلمين
واحنا يا عرب و يا مسلمين زي الهبـ...... نقلدهم وبس....
ليش كدا احنا مررررة سطحييين .. ليش اعطيناهم هدي الفرصة


الكلام مو بس للشباب......حتى البنات .....اكيييييييييييييييد مرررر عليكم كتير من البنات اللي حاطين فص في اسنانهم ...... والله انه شي بالفعل يحزن....
طيب يا هانم....انت عارفة ايش معناة هدا الفص؟؟؟!!!!
هدا الفص اللي تحطوا البنت عند الغرب.............عند مييييييييييييين؟؟؟ عند الغرب ....معناته انه هدي البنت مو كويسة .....بصريح العبارة ((بنت ليـــ.......)) انا اقول عندهم.....انا عارفه انه كتير من البنات ما يدروا...بس يا اللا شافتلها وحدة سوتو ..قالت خليني اسوي زيها!!!!
يا اخي فكري شوية.....
هيا بالله اتخيلوا معايا .... انه هدي البنت سافرت بره....بلاد اوروبية....وطبعا راح تكون متحجبة... فالدال على مظهرها انها بنت مسلمة......ماشي؟؟ انتو معايا؟؟
طيب.....اكيد انها راح تختلط بالناس هناك ولو في السوق : how much is this? ... <<لا بس هدي لمن تقولها ما راح تبان اسنانها خخخخخ......... طيب ..خلينا نقول ابتسمت.....!!
بالله عليكم لمن يشوفوها....ايش راح يقولوا علينا احنا المسلمين......لأنهم فاهمين المعنى من الفص....
والله العظيم موقف حطينا فيه الاسلام وهو ماله ذنب.....غني عن ذلك...
هدا بدل ما نحط صورة حلوة عنه!!
مو عذر ابدا انك تقولي وانا ايش دراني!!!!.......يا سلااااااام...يا اخي الله اعطاك عقل عشان تفكري
محنا هبل!!!__ايوة انا فوق ما ذكرتها بس الا.. هبل و ستين هبل كمان__

يا اخي ياريتنا نقلدهم في الاشياء الكويسة.....الا ما نقلدهم الا في الاشياء البطالة...

بصراحه شديدة .. انا في نظري انه الشباب الغربي افضل بكثييييييييييير من كثير ((وحطي تحتها خط....يعني مو الكل)) من الشباب العربي.....
حتقولوا : ايشبها دي جاية تستهبل و تناقض نفسها!!!! لا اصبروا عليا .. خلوني اكمل .. وشوفوا انا ايش اقصد...

الشباب الغربي كلللله ثقااااااااافة...والله العظيم طفل عندهم احسن من الف شاب و بنت عندنا...اقسم بالله شي يخجل و يكسف.......عرفنا نقلدهم في ديك الاشياء.....ما عرفنا نكون زيهم مثقفين...... يا اخي لا تموت نفسك من الثقافه...هدا اذا ما تبغ!!! بس اتثقف في الامور البسيطة
بالله عليكم ايش تقولوا في شاب سألوه : ما اسم الرسول؟؟.......جوابه : والله اللي اعرفه انه محمد بن عبد الله.... <<لا يا شيخ مرررة كلفت على خاطرك......طيب تعرف المطربة ...........؟
والله هدا وجهي ان ماكان يعرف بطاقتها الشخصية بالكامل....ومين متزوجة ..ومين طليقها ... وليش اطلقت...ومين اولادها....وايش اخر اغانيها.............الخ الخ الخ

لا ...اقلكم الافظع من كدا!!!...واحد انسأل : كم عدد زوجات الرسول؟؟ تخيلوا ايش كانت الاجابة: والله ..ما اعرف بس اكيد انهم اربعه
س : مين اولاد الرسول؟ ج: الحسن و الحسين و زينب
س: متى انولد الرسول؟ ج: والله بصراحه ما اعرف..
س: كم كان عمر الرسول عندما توفي؟ ج: واحد يقول اعتقد 40 والتاني ..لا ياشيخ كان عمره 70 ..<<مسوي نفسو انه فاهم
صااااااااااااااااااااااااااااااااعقة ... و مصيييييييييييييييييبة كمان
هدولا في امور اطهر و اكرم البشر رسلولنا و رسولهم محمد صلى الله عليه و سلم..ما فلحوا فيها...اذا ما نعرف الرسول...مين بعده يستحق اني اعرف عنه كل شي!!!!! هاااااه ...قولولي مين...
نجوى كرم ولا نانسي عجرم.....ولا اليسا ولا راشد ولا ولا ولا....... ((اسفة على ذكر الاسماء..))

طيب لو انكم من متابعين برنامج خواطر كان شفتوا العجب العجاب....
فوق كان بما يختص بالرسول عليه افضل الصلاة واتم التسليم.......تعالوا نشوف في الاشياء التانية...
وحدة يسألوها : فين تقع مصر؟؟ والمشكلة العظمى انه حاطين الخريطة قدامها....... والاخت حايسة مو عارفة فين...........ولا التاني يسألوه فين تقع السعودية ...فالاخ المثقف بكل ثقة عالية يقول : فين تقع يعني ..اكيد تقع في المملكة.....من جد شر البلية ما يضحك.......
في نفس الوقت كانوا جايبين بنت صغيرة انجليزية ما يجي عمرها 4 سنين حاطين الخريطة قدامها..بس يقولولها اسم البلد الفلاني..على طووووووووول تشاور عليييه..........شوفوا بس انتو و ابكوا على حالكم
طيب خلونا من دا كلللله...خلينا نتنازل شوية لمستواهم ونقبل حجتهم : انهم مالهم في الجغرافيا...مع اني مرررررررررررة من اللي مكتوب فوق ماني مقتنعه...بس يا اللا ناخدهم على قد عقولهم ..بس بالله يا جمااااااعه في احد ما يعرف كم حرب عالمية قامت الا الان؟؟؟؟؟!.....يعني سؤال مرررررة حيرتني الاجوبة عليه....اللي يقول اربعه و اللي يقول خمسة و الادهى والامر اللي قال 20!!!....يا اخي اتقي الله!!
اجل متى تقوم القيامة..... مو قبلها لازم تكون في حرب...وهي الحرب العالمية التالتة؟؟؟
يعني بس حربين اللي قامت...
شي واالله مخخخخخخخخخخخخخخجل لنا....انا لمن شفت كدا زعلت في نفسي .... كيف نقدر نعتمد على شباب و بنات كدا في المستقبل.......كيف النهضة راح تقوم على يد الشباب زي ما يقول عمرو خالد .. وهم كدا!!!

يا اخي خلونا نفووووووووووووووووق شوية.... وننتبه لنفسنا.... ليش احنا سذذذذذذذذذج لدي الدرجة..
ولو تبغ او تبغي تقلدي الغرب...قلديهم في ثقافتهم....والله انهم ناس فظيعين ..عندهم الوقت غااااالي جدا ما يضيع هباء..يستغلوا حتى الخمس دقايق...لدرجة الله يكرمكم في الحمام فيه مكتبة صغيرة في بعض الكتب ... عشان يقرا فيها.....شوفوا لأي درجة؟؟!! يعني حتى وقت قضاء الحاجة اكرمكم و اعزكم الله ما يضيع.......الواحد و الواحده فيهم وهي تنتظر الباص...تلاقي في يدها كتاب صغير ... احيانا تكون معلومات عادية جدا جدا....بس برضوا ما يضيع الوقت عندهم ... تقرالها اي شي.......هدا الشي انا شفتو بنفسي محد قلي...هدوولا مييييين؟؟؟ هدولا هم الغرب.....
طيب ليش ما نقلدهم في كدا......ليش دايما ناخد الشي اللي مو كويس منهم
ليش هم اللي يكونوا دايما عندهم استقلالية في الرأي و بعد تفكير و احنا دايما بس نجري وراهم بدون تفكير
ليش هم دايما المتبوعين .......... واحنا دايما التاااااااااااااااااااابعين...
ليش ... وليش .. وليش

بالله مو شي يحزن...مو شي يزعل.......هدا كلللله المفروض يكون لنا احنا......لكن من أين يكن لنا ذلك وفينا من لايعرف اسم محمد .....من اين يكن لنا ذلك و فينا من لا يعرف سيرة نبيه........يا ستي اذا هدي الاشياء ما تعرفيها...قوليلي ايش هو المهم بالنسبة لك .......طيب الاشياء التانية .. المعلومات اللي تدل ما شاء الله على انك دارسة ومتعلمة ..... اشياااء كتييير درسناها في الابتدائي و المتوسط ..طارت من عقولنا .......واشياء والله العظيم عيييييييييييييييييييييييب اننا نوقف حايرين في الاجابة عليها..

اااااااااااااااااااه ....... هدا هو احنا ........ وهدا هو واقعنا الـ.......
وبعدين نقول : ليش احنا بنرجع على ورا؟؟؟؟ هدا لأنه اغلبنا متخلفييييين

انا خلصت كلامي....... مع انه والله في اشياء كتير في نفسي ابغ اقولها.....بس ...... الله يهدي ما خلق

انا اسفة اذا طلع اي شي مني ما عجبكم....بس والله من الحال اللي احنا وصلناله....وانا عارفة انه في شباب و بنات كتير فيهم خير.....((يعني حطوا جنب اي انتقاد انتقدته......كلمة : الا من رحم الله))

اعتذر من الاطالة...بس دي غصة في نفس اختكم(بي ريسبيكتبل) و حبت تقول اللي عندها...اعذروها عن اي شي طلع منها ما عجبكم...ومو معناة دا الكلام انه انا ملتزمة او مطوعه.....والله اتمنى انه ربي يهديني واصل لهذه الدرجة...بس هدا الشي ما يعتمد على انك تكون ملتزم او ملتزمة....هناك في اشياء اسمها قيم و
مبادئ..واخلاق
ملاحظة: الموضوع هدا انا كتبته في منتدى اخر..بس مع اختلاف الاسم طبعا..لعدم اللبس ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Lama
مشرف قسم ادب اللغه الانجليزيه
مشرف قسم ادب اللغه الانجليزيه
avatar

عدد الرسائل : 309
تاريخ التسجيل : 03/03/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   الجمعة سبتمبر 12, 2008 11:58 am

اشكرك اختي لطرحك هذا الموضوع

إنه لمن المحزن ,,

و المؤسف ,,

و المؤلم ,,

بل في غاية الألم ,,

أن يصل شبابنا الى هذه الدرجة من التخلف ,,

و اتباع الغرب بدون أي وعي ولا مجرد تفكير ,,

هذة "الموضة" غزت شبابنا وبناتنا ,,
المشكلة انو مثل هذي البناطيل في الغرب مايلبسها الا عدد قليل,,
وهم " الشاذين" والعياذ بالله ,,
ويعتبر لبسه عندهم من باب الدعاية لكل من يبحث عن شاذ ,,

فمن سروال (طيحني) الى سروال ( سامحني يابابا) وهو ان يكون سحاب البنطلون من الخلف!!!!
وهناك تساؤلات كثيرة تدور في الذهن ,, مالغرض من وضع سحاب خلفي؟؟
واحنا الله يخلف يلبسون هذي الموضة بدون تفكير عن معنى هالاشياء اللي يلبسونها

المسئولين ايضا لهم دور,,
وين الرقابة من قبل وزارة التجارة؟؟!!
ليه ماتمنع دخول هذي الملابس للبلد,,
طيب وان كانت الرقابة نايمة,,
وين دور الاهل الام والاب ,,
اللي يمرون من عندهم اولادهم لابسين مثل كذا ومايقولون شئ
قالو ايش قالو هذي مرحلة وتعدي ,, سن مراهقة

مثل ماقلتي انا ما اقول انو كل شئ عيب او حرام لكن كل شئ بحدود


انا معكي اختي
واسال الله ان ينفع بك الاسلام والمسلمين


تحياتي
Lama
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
be respectable
عضو مبتدئ
عضو مبتدئ
avatar

انثى عدد الرسائل : 11
تاريخ التسجيل : 07/09/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   الجمعة سبتمبر 12, 2008 7:47 pm

لكم يسعدني تواجدك اختي لمى....وكلامك صحيح و عين العقل..فين الاباء و الامهات...فين سلطتهم على اولادهم....ولا هدي السلطة تنفرض في اشياء و اشياء....اذا الاب كلم ابنه بالهداوة..وحاول انه يقنعه بأسلوب لطيف و يبين لهذا الشاب او المراهق الغرض المدسوس من هذه الموضه....صددقيني راح يمشي الحال....لكن كمان في بعض الاباء الله يهديهم بس يزعقوا و كمان تصدر منهم الفاظ مو كويسة...عمره الولد ساعتها ماراح يسمع كلام ابوه...بجد والله....وحتى لو سمع كلامه..من قدامه بس...ومن وراه يعمل اللي يبغاه............هذا السن يحتاج رعاية و اسلوب خاص في التربية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاهين
مدير
مدير
avatar

ذكر عدد الرسائل : 460
العمر : 32
تاريخ التسجيل : 22/02/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   السبت سبتمبر 13, 2008 5:49 am

مشكورة اختي بي ريسبكتبل على الموضوع الذي يجب على كل زائر وعضو فالمنتدى قرائته
لانه موضوع جداً مهم وايضا اشكر مشرفتنا المتالقة دائما لما على ردها الاكثر من رائع

وبصراحة الدور الاهم في توعية الاطفال يرجع للآباء

لان الشخص مرآة لبيته_لتربيته_لاطباع اهله

وبصراحه حال الشباب والشابات العرب اليوم ما يبشر بخير
ولو عرفوا به من عاشو فالقرون الماضية بكوا علينا الدم


ما أقول غير الله يهدي شباب وبنات الاسلام الى الطريق السليم
ويفكروا في كل حاجه قبل ما يسووها لان الله اكرم الانسان بالعقل
فالانسان المقلد بدون تفكير (اكرمكم الله ) حاله مثل حال البهيمة

السموحة اذا اطلت عليكم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alshahen.montadarabi.com
be respectable
عضو مبتدئ
عضو مبتدئ
avatar

انثى عدد الرسائل : 11
تاريخ التسجيل : 07/09/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   السبت سبتمبر 13, 2008 7:13 am

شرف كبيرليه يا مديرنا (الشاهين) ردك على موضوعي...
وكلامك صحيح 100%....
عارف ايش هي المشكلة يا الشاهين؟؟!!
المشكلة انه احنا شا يفين نفسنا ولا شي....وشايفينهم هم كللللللللللللللللل شي
ولا ما كان وصل حالنا البئيس لكدا...
احنا المقلدين لهم ...ما عندنا استقلالية بذاتنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تاج
عضو مبتدئ
عضو مبتدئ


انثى عدد الرسائل : 4
تاريخ التسجيل : 04/10/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   الأحد أكتوبر 05, 2008 4:15 am

أعجبني طرحك للموضوع بلهجتك وبأسلوبك بدون تنمق وتزييف وهذا أشعرني بمدى الحرقة اللي بقلبك وهذا يدل على وعيك وخوفك على شبابنا

تعرفين شنو المشكلة !!المشكلة أنو أصبح الامر كأنه مفروض على مجتمعنا يعني نظل نقبل بالأمر على مضض ومع شوية أستنكار... وبعدين مااااااااااااااااااااشي Rolling Eyes

لا بد أن يكون هناك أستنكار واضح وموقف صارم من المجتمع نفسة وتوضيح مفهوم الحضارة عند الشباب اللي فاهمها خطأ

أعجبني انا برنامج خواطر وأبكاني بنفس الوقت ....!!والله أتمنى أني أشوف شبابنا عنده أهتمام لو قليل بتثقيف نفسة
أنا عموما بدأت من بيتنا وأهتميت بأخواني الصغار في تنمية هالجانب فيهم وهذا المفروض اللي يسوية كل شخص واعي وفاهم ومثقف أنو يبدأ بمحيطه


أشكرك أختي على موضوعك وأنتظر طرحك القادم بشوق


أختك
تاج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
be respectable
عضو مبتدئ
عضو مبتدئ
avatar

انثى عدد الرسائل : 11
تاريخ التسجيل : 07/09/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   الإثنين أكتوبر 06, 2008 11:50 pm

يا هلا والله بأختي تااااااج.....
والله كلامك درر ما شاء الله....كلامك صحيح..
الشباب صاروا مرررة سطحيين...همهم بس الاشياء التافهة..
طيب..على الاقل خلينا نجمع بين التافه و الجاد.....بجد والله

ما في انسان كامل....بس احسن من لا شيء
تشكراتي اختي تاج...وجزاك ربي كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
be respectable
عضو مبتدئ
عضو مبتدئ
avatar

انثى عدد الرسائل : 11
تاريخ التسجيل : 07/09/2008

مُساهمةموضوع: رد: موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .   الجمعة أكتوبر 08, 2010 11:45 am

ياللله!!!!

قبل سنتين كتبت الموضوع وما اتحرك من الصفحه الاولى؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
موضوع في خاطري ابغ اقوله بأسلوبي البحت..اتمنى بجد انكم كلللكم تدخلوا وتقروا .
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشاهين :: المنتديات العامه :: قسم المواضيع العامة-
انتقل الى: