منتدى الشاهين
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى الشاهين


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 المطرقة للأكلبي

اذهب الى الأسفل 
كاتب الموضوعرسالة
الشاهين
مدير
مدير
avatar

ذكر عدد الرسائل : 460
العمر : 33
تاريخ التسجيل : 22/02/2008

مُساهمةموضوع: المطرقة للأكلبي   الثلاثاء مارس 18, 2008 11:05 pm

يا هواميـر المعـارض جتكـم التدبيلـه
ارفعوا سوق المواتر وابشـروا بالطفـره
مابقا دون الوليمـة غيـر يـوم وليلـه
كل واحد يبْرد اسنونـة ويشـري شفـره
واظهروا ما زاد سعـرة واتْخَـر موديلـه
واطرحوا تحت المفطح لاوصلكـم سفـره
واستعدوا في حـراوي لابسـات الشيلـه
وافرشوا الصالات زلٍ للوجيـه السَفـره
الكدالـك والفـروت اللينـة منهـي لـه
مالها غير الليـان اللـي تثنّـى خصـره
الفخامـة والطخامـة كلهـا تـاوي لـه
يطلب من النادر الغالي وهو تحـت امـره
اسدحوا البي أم عند الباب قبل يجـي لـه
وافتحـوا بيبانهـا ياخـذ عليهـا نظـره
خلّـوا الكيكـة تـذوب بقطعـة الفانيلـه
في نعومة ملمس الطارة وليـن البشـره
وهاتوا المرسدس الاسود وارخوا التظليله
خلّوا الزبدة تسيح بمرتبـة بـو سمـره
كنها لا ارخـى دركسونـه تبـي تقبيلـه
وكنّـه يحـاول يسابقهـا ويلقـم نمـره
وجهها وسـط الكبينـة ساطـعٍ قنديلـه
والشعـر ليـلٍ سـوادة مايغبّـي بـدره
وعودها اللين يطول الشرح في تفصيلـه
الوروك اكبـار والا خصرهـا ياضُمّـره
لامشـت لاكـن فـي فستانهـا تحبيلـه
زادت النعمة وبانت فـي سنـام البكـره
والهمـر حطّـوه عنـد البـاب للجويلـه
اربعٍ فيهـن ثـلاثٍ كنهـن فـي سهـره
ناطـلاتٍ بالغطـاوي والسحـى عزّيلـه
السحى ماهوب يطرا مع حيـاة الدشـره
العِْبـي مخصّـراتٍ واليـديـن انحيـلـة
والعيـون ملونـاتٍ والشفايـف حُمـره
اشترتْـه الدبـة اللـي دلّعوهـا فيـلـه
دمّهـا خفيـف لكـن وزنهـا ياكـبـره
ساقتـه بشويـش قالـوا ربعهـا دزّيلـه
خلّـي اللـي يتبعونـة مايعَرْفـون اثـره
وانطلق في الخط يوم البنت شـدّت حيلـة
فاهـقٍ كـل المواتـر يُمنـةً ويُـسّـره
وقامت العالم تحوفـه والعيـون اتخيلـه
يطردونه مـن هبـال ويطردونـه بطـره
هايلكس وجمس وهونـدا وراس تريلـه
وجيب شاصٍ مابعد حَـوّل تنكْـه وتمـره
بعضهم يسقط عليه وبعضهـم يدنـي لـه
وبعضهم ماغير يمشي مادرا عن عمـره
وبعضعهم يكتـب تلفونـه علـى منديلـه
وبعضهم لاصف بالموتـر نطـل بالغتـره
والهمر تلعب به الخفـرات وتغنـي لـه
من يمين القير خفره من يسـاره خفـره
وراعي الشاص انهبل من وحدةٍ تومي له
مادرى عن حملـةٍ يشلّهـا فـي ظهْـره
قـام يقـرب ويتميلـح جنبهـا ياحليلـه
مادرا ان الخط قدمه فـي مسـاره حُفـره
طارت الحملـة وطـار الثـوب والفنيلـه
وانحرف على الهمر واحدث بجنبه ثغـره
والهمر راح ايتطوى والعرب تدعـي لـه
وقامت الطارة تفلّت مـن يديـن الفغـره
وانقلب له قلبتيـن وراح فـي التحويلـه
وانتثر بدّيه على الازفلت كسـره كسـره
سلموا الركـاب لكـن خرْبـت التكميلـه
والوناسة والدلع راحت دمـوع وحسـره
قصة جتنـي وانـا فـي حـزة التقييلـه
يا جماعـة لاحـدٍ ينقـد علـي ويشّـره
مانبي بعض العرب يـروح فـي تحليلـه
الخبر ماهو خبر حتى يجي فـي النشـره
الشواهـد بيّـنـه والسالـفـة طويـلـه
والحبل مبطي وهو ممسوس فوق المكـره
واحدٍ يقسي عليـه وواحـدٍ يرخـي لـه
وواحدٍ فيه ايتفرج مـادرا ويـش امـره
واللي يسعى فـالردى بهراوته وازميلـه
الله لايجـزاه خيـر ولايطـوّل عـمـره
ماحدٍ راح ايتوسـط بـه ولايشكـي لـه
وش علامه يعْترض بين الدروب الخطْره
يهْدم بيوت العرب واموالهـم تبنـي لـه
ويطرح اقصور العرب والناس ترفع قصره
مـن يـرد العايـل اللـي ضايـعٍ دليلـه
من يعَلْمـه الطهـارة والعلـوم الظفْـره
سد مارب جـاه فـاره واقـدرت تزيلـه
لاتروح اسدودنا مثـل السـدود النخـره
وراعي الحمّى يبي لـه حبـه وتحميلـه
وان نفع معـه الـدوا والا يـدق بلبـره
الورق يابَس ويسقط والهبـوب اتشيلـه
والثمر يبقى مكانه فـي علـو الشَجْـره
والشعر عندي ماهـو غايـة ولا وسيلـه
ان حضر يامرحبا به وان تغيّـب بُصـره
شاعرٍ ماهوب يكتب عن مشاكـل جيلـه
وش يفيده لاكتب في عصر ماهو عصـره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alshahen.montadarabi.com
NOR ALAIN
عضو نشيط
عضو نشيط
avatar

ذكر عدد الرسائل : 195
العمر : 33
البلد : قلوب أحبتي
الوظيفة : أصطياد قلوب البشر
تاريخ التسجيل : 28/03/2008

مُساهمةموضوع: رد: المطرقة للأكلبي   الأحد أبريل 06, 2008 10:17 am

مشكور اخوي على الكلمات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المطرقة للأكلبي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشاهين :: منتدي الإبداعات الأدبية :: قسـم الشعـر والخواطـر-
انتقل الى: